Shabna’s Charitable & Educational Trust ന്റെ റിലീഫ് വിതരണം പഞ്ചായത്തു മെമ്പർ ശ്രീ ബീരാനാജി ഉദ്ഘാടനം ചെയ്യുന്നു.
വിശുദ്ധ റമളാൻ വിട വാങ്ങി.പുണ്യങ്ങളുടെ പൂക്കാലമായ ആ മാസത്തിൽ നാം പലതും മനസ്സിലാക്കുന്നു.അതിൽ പ്രധാനപ്പെട്ടതാണ് വിശപ്പ്.അതിന്റെ തീവ്രത എത്രത്തോളമുണ്ടെന്ന് അറിയാൻ കഴിയുന്നു. നോമ്പ് നോൽക്കുമ്പോൾ രാത്രിയിൽ നമുക്ക് ഭക്ഷണം കഴിക്കാമെന്ന പ്രതീക്ഷയുണ്ട്.എന്നാൽ ആ വിശപ്പും സഹിച്ച് ദിവസങ്ങളോളം പട്ടിണി കിടക്കുന്നവർ നമുക്കു ചുറ്റുമുണ്ട്.അതിൽ ഒരാളുടെയെങ്കിലും വിശപ്പ് മാറ്റാൻ സാധിച്ചാൽ അത്രയും പുണ്യകരമായ വേറൊന്നില്ല.
ഖുർആനിലെ അൽബലദ്(90)അധ്യായത്തിലെ വരികളാണ് എനിക്കോർമ്മ വരുന്നത്.അതിലെ വചനങ്ങൾ ഇപ്രകാരമാണ്.
“തന്റെ മേൽ ഒരു ശക്തിയുമില്ലെന്ന് മനുഷ്യൻ വിചാരിക്കുന്നുവോ? ഒരു പാട് സ്വത്ത് താൻ ചെലവഴിച്ചുവെന്നത് മനുഷ്യന്റെ വീമ്പു പറച്ചിലാണ്.തന്നെ ആരും കണ്ടില്ലെന്നാണോ അവൻ കരുതുന്നത്? അവന് നാം രണ്ടു കണ്ണുകൾ നൽകിയില്ലേ? നാവ് നൽകിയില്ലേ? രണ്ടു ചുണ്ടുകളും നൽകിയില്ലേ? വ്യക്തമായ രണ്ടു വഴികൾ(നന്മയും തിന്മയും) കാണിച്ചു തരികയും ചെയ്തില്ലേ? എന്നിട്ടുമവൻ മലമ്പാത താണ്ടിക്കടക്കാൻ തയാറായില്ല.എന്താണ് മലമ്പാതയെന്ന് താങ്ങൾക്ക് അറിയുമോ? അത് അടിമയെ മോചിപ്പിക്കലാണ്.പട്ടിണി ദിവസങ്ങളിൽ ബന്ധുക്കൾക്കും അനാഥകൾക്കും അഗതികൾക്കും ഭക്ഷണം നൽകലാണ്.അങ്ങനെയവൻ സത്യവിശ്വാസം സ്വീകരിക്കുകയും ക്ഷമയും കാരുണ്യവും ഉപദ്ദേശിക്കുകയും ചെയ്യുന്നവരുടെ കൂട്ടത്തിൽ പെട്ടവനായി തീരുന്നു.’(ഖുർആൻ 90/4-17)
Shabna’s Charitable & Educational Trust ന്റെ വകയായി വളരെ പാവപ്പെട്ട 55 കുടുംബങ്ങൾക്ക് (എല്ലാ മതവും) അരി വിതരണം ചെയ്യാൻ സാധിച്ചു.ഈ അവസ്ഥയിൽ ഇതെങ്കിലും ചെയ്യാൻ സാധിച്ചുവല്ലോയെന്ന ആത്മസംതൃപ്തിയാണ് എനിക്കിപ്പോൾ.അതിന് സർവ്വശക്തനായ അളളാഹുവിനോട് നന്ദി പറയുന്നു.
